中山八路隐世小店竟吃出传统的“广州味”

　　竹升面係广东省汉族传统面食，广东人因“竿”音不吉利而改称“升”。竹升面用传统的方法搓面、和面，用竹升（大茅竹竿）压打出来的面条、云吞皮的一类面食。

　　在车水马龙的中山八路后，一个旧式居民小区里面，匿藏住一间传统手工竹升面店。因为位置隐秘，若唔係地胆或者本地熟人，一般都稳唔到呢间店甚至唔知有店铺嘅存在。

　　店铺无进行广告宣传，单靠街坊们一个个口口相传。经营至今，小小嘅店铺依然可以吸引到好多外来人为咗一碗传统竹升面慕名而来（而小编就係其中一个）。

　　作为一个探店者，一个外来人，小编係搵店嘅途中试过迷路，要一边靠导航，一边问路人，兜兜转转先搵到呢间竹升面店。

　　开放式嘅玻璃窗口，客人可以见到厨房内的一景一物。师傅就係喺呢度每日压面做面，日复一日，从未停歇。可惜当日无幸见到师傅做面、压面过程。

　　店铺招牌係云吞面，虽然依家物价飞涨，但係因为店铺专做附近街坊生意，念旧情之下，一碗足料云吞面依然只售8蚊，实属良心出品。

　　镇店之宝当属呢个【竹升面】，既然叫得竹升面，老板话店内所售卖嘅面全部都係全手工用传统手法制作而成，绝无虚假。

　　云吞虽然係细细一粒，但係粒粒饱满，真材实料，而且十分爽口弹牙，配上鲜汤嫩还不腻。一啖一粒云吞，“根本停不下来”。

　　上第一碗面时，老板就叫我哋趁热食，老板性格好好，好健谈，而且好贴心，从进店到离店我哋都有讲有笑。或者呢D就係所谓老广情怀。

　　在交谈中发现，老板对食物要求严谨，因为做嘅多数都係街坊生意，老朋友。每一碗面都保证安全健康，为咗唔影响面嘅质量，老板唔支持送外卖，想食面就只好亲自到店，老板亲自做。

　　一个同行“重辣“级别嘅小伙伴大无畏咁挑战咗小半勺，一向食开重口味嘅佢话：“真係好辣！！！ 不过少少落口係舒服嘅，多少少都唔建议大家食啦。”

　　我哋问老板点解要整到咁辣 ？老板笑住讲，“整辣D，大家食少D，我就可以偷下懒唔洗成日整啦。” 係wor~ 又几有道理哈哈

　　部分人认为牛腩应该配浓汤先会更加入味，但係呢间店仍然选择用清汤配底，只因老板对佢嘅用料十分自豪。

　　食材精选，调味得当，就算係清汤都可以有鲜甜美味嘅效果，而正正因为咁样所以情怀小店更深得人心。

　　将诱人嘅炸酱末充分搅拌在竹升面上，再送入口，舌头干香干香。辣香麻全完都呈现係口腔中，一股酥麻感在舌边徘徊，越食越香。

　　虽然炸酱面係微辣，但对于唔食辣嘅我嚟讲，都有DD辣~ 老板同样好好咁教我点食唔会咁辣，又帮我换一碗味道偏淡嘅汤冲谈辣味。

　　到现时，我仲怀念碗面嘅味道，记得老板嘅笑容，嗰只温纯嘅狗狗，仲有离店时老板亲切嗰句：“得闲再嚟啦。” “恩，一定再嚟！”